Kryetari i Parisë Demokratike të Kosovës, Memli Krasniqi ka reaguar pas lirimit të tre policëve kosovarë nga Serbia.
Krasniqi ka thënë se lirimi i tre policëve ka qenë pak i vonuar.
“Lirimi i tre policëve nga mbajtja arbitrare në Serbi – Rifat Zekës, Beqir Sefës e Shemsi Mustafës, megjithëse mjaft i vonuar, është lajm i mirë për familjet e tyre dhe për qytetarët e shtetin tone”, është shprehur Krasniqi.
Tutje Krasniqi ka falendëruar ndërkombtarët të cilët janë angazhuar në këtë proces.
“Falënderoj të gjithë miqtë tanë ndërkombëtarë, të cilët u angazhuan dhe luajtën një rol vendimtar në këtë process”, tha Krasniqi.
Mes tjerash Krasniqi ka thënë se tani është radha për shtensionimin e situatës në veri të vendit.
“Tani, radha është për shtensionimin e situatës në pjesën veriore të vendit dhe për rikthimin e normalitetit atje, përmes veprimeve të matura dhe të përgjegjshme politike”, ka shkruar Krasniqi në rrjetin e tij në Facebook.