Kryediplomatja rumune Luminita Odobescu është takuar në Bukuresht me emisarin e BE-së për dialogun Kosovë-Serbi, Miroslav Lajçak.
Njoftimi për takim u bë i ditur nga vetë kryediplomatja Odobescu, përmes një postimi në platformën ‘X’. Në deklarimin e saj thuhet se Rumania mbështet përpjekjet e Lajçak për dialogun Kosovë-Serbi, shkruan Gazeta Insajderi.
“Folëm për zhvillimet e fundit në Ballkanin Perëndimor. Përsërita mbështetjen e plotë të Rumanisë për përpjekjet e tij për të çuar përpara dialogun Beograd-Prishtinë të udhëhequr nga BE-ja, që është vendimtar për sigurinë dhe stabilitetin e Ballkanit Perëndimor”, ka shkruar ajo.
Rumania është në mesin e pesëshes evropiane që nuk e njeh pavarësinë e Kosovës. /Insajderi.org/
Very glad to meet EUSR @MiroslavLajcak today in Bucharest. Good exchange on latest developments in Western Balkans. Reiterated RO's full support for his efforts to advance the Belgrade-Pristina EU-led Dialogue, essential for the security&stability of the Western Balkans. pic.twitter.com/Zev7INl6p7
— Luminita Odobescu (@Odobes1Luminita) November 27, 2023