Kryeministri i Kosovës Isa Mustafa përmes rrjetit social Facebook ka thënë se është i kënaqur që Kuvendi i Kosovës emëroi anëtarët e Organit Shqyrtues të Prokurimit, dhe se ky organ u bë funksional.

Ai tha se kishin mbetur edhe tetë rekomandime në fushë-veprimtaritë e institucioneve të drejtësisë, këshillit Gjyqësor dhe Gjykatave, prokurimit dhe Ministrisë së Administratës Publike të cilat përmbushën detyrat e tyre.

Ai tha se ata me përkushtim të plotë ia arritën që qytetarëve të Kosovës t’ua krijojnë mundësinë që të udhëtojnë pa viza.

Kryeministri po ashtu komentoi edhe vlerësimin e ekspertëve ndërkombëtarë për shënimin e vijës kufitare me Malin e Zi, të cilët konstatuan se  kufiri është caktuar duke respektuar plotësisht ligjin dhe procedurat teknike. Për këtë ai tha se Qeveria ka arsye të mburret me punën e kryer.

Si Kryeministër i vendit shfrytëzoj rastin të falënderoj të gjithë për përgjegjësinë e treguar dhe punën e kryer.