Ministri i Financave, në konferencën e sotme për media ka thënë se ekzekutimi i pagave në sektorin publik është bërë pjesërisht për muajin gusht, për shkak të vonesave në procesimin e listave të grevistëve.

Ndaj kësaj ka reaguar Kryetari i Gjakovës, Ardian Gjini i cili ka thënë se mosprocedimi i pagave për grevistët është gabim shumë i madh.

“Mosprocedimi i pagave për grevistët është gabim shumë i madh.  E ftoj qeverinë që urgjentisht ta rishikojë këtë vendim”, ka shkruar ai.

Tutje i pari i Gjakovës ritheksoi se vendimi për ndalje të pagave është i paprecedent duke vënë në kujtim grevën e minatorëve.

“Kjo qasje paraqet precedent shumë të rrezikshëm për demokracinë tonë dhe funksionimin e shtetit, në shumë rrafshe. Pavarësisht se a konsideroni se kanë të drejtë apo jo grevistët, vendimi për ndalje të pagave është i paprecedent. Kujtojeni grevën e minatorëve!!”, tha Gjini.