Albin Kurti ka kritikuar Këshillin Gjyqësor dhe Prokurorial të Kosovës që nuk ka reaguar ende për dhunimin e 11 vjeçares në Prishtinë.

Kryeministri pyet gjykatësit dhe prokurorët se ku është “morali” i tyre, pasi të njëjtit ende nuk kanë ndërmarrë veprime konkrete për këtë rast

Ai fajëson këto dy hallka të drejtësisë për mosefikasitet në hetimin dhe dënimin e dhunuesve.

“Aktakuza jo të fuqishme të prokurorëve mundësojnë që dhunuesit shpesh të mos ndëshkohen. Gjykatat nuk i gjykojnë rastet e dhunimeve në përputhje me ligjet në fuqi, që parashohin dënime prej më së paku 10 vitesh për dhunë seksuale ndaj personit nën moshën 14 vjeç”, ka shkruar Kurti.