Kryeministri i Kosovës, Albin Kurti, mori pjesë në lansimin e projektit nga Këshilli i Evropës “Nxitja e kohezionit shoqëror duke përforcuar të drejtat e minoriteteve dhe gjuhët e minoriteteve në Kosovë”.

Nga aty, ai dha një interpretim interesant për kohezionin social. Përmendi edhe një thënie të Thomas Edison.

“Ne e dimë që na pret shumë punë përpara dhe jemi të vetëdijshëm për një nga thëniet më të famshme të shpikësit të llambës së dritës, Thomas Edison: ne duhet të përputhim ‘1% frymëzim me 99% punë’“, deklaroi Kurti.

“Kur e ndez një qiri në dhomë, mjedisi ngjan romantik, por aty disa janë më të dukshëm e disa mund të mos duken. Kur kyçet poçi elektrik, që të gjithë bëhen të dukshëm në dhomë dhe duken bashkë. Të dukshëm për njëri-tjetrin; të dukshëm të gjithë“, tha ai. /Insajderi.org/