Kryeministri Albin Kurti duket se është nisur fluturim për në takimin e rëndësishëm që pritet ta ketë nesër në Bruksel me presidentin serb Aleksandër Vuçiq.

Ai është parë në fluturimin Prishtinë-Vjenë. Bashkë me të ishte edhe zv. kryeministri Besnik Bislimi, këshilltari kinezo-amerikan Tienmu Ma, ambasadori në Bruksel Agron Bajrami dhe zëdhënësi i Qeverisë, Përparim Kryeziu.

Takimi i 2 majit do të jetë i nivelit të lartë dhe ku pritet të shpaloset edhe draft-statuti i ri i Asociacionit të Komunave me Shumicë Serbe, përgatitur nga Ekipi Menaxhues.