Kryeministri i Kosovës, Albin Kurti, ka përkujtuar politikanin e vrarë serb, Oliver Ivanoviq në gjashtë vjetorin e vrasjes së tij. Kurti ka lartësuar figurën e tij, duke thënë se Ivanoviq ishte aktiv edhe më 98-99 dhe më 2000-ën pas dëbimit të shqiptarëve nga Kosova.
Kurti këtë e ka deklaruar me anë të platformës ‘X’, teksa Ivanoviqin s’e ka përkujtuar në ‘Facebook’, atje ku e ka audiencën e madhe shqiptare. Kryeministri ka thënë se Beogradi i frikësohej Ivanoviqit, sepse e shihte si dëshmitar të EULEX-it, shkruan Gazeta Insajderi.
“Oliver Ivanoviq ishte aktiv, si gjatë luftës ’98-’99 ashtu edhe dëbimit të shkurtit të vitit 2000 të mijëra shqiptarëve nga veriu. Beogradi i frikësohej atij si dëshmitar të mundshëm të EULEX-it. Sot, 6 vjet pas vrasjes së tij në Mitrovicën e Veriut, vrasësit e tij ende bredhin të lirë në Serbi”, deklaroi kryeministri në platformën ‘X’.
Kurti vjet e kishte përshkruar Ivanoviqin si një person i përkushtuar për të luftuar për interesin e komunitetit e qytetit të tij.
“Sot ne përkujtojmë jetën dhe kujtimin e Oliver Ivanoviqit, në ditën e vdekjes së tij. Mendimet dhe ngushëllimet e mia janë me familjen dhe miqtë e tij. Oliver Ivanoviq ishte një person i përkushtuar për të luftuar për interesat e komunitetit dhe qytetit të tij. Ai e bëri këtë duke qenë i hapur, i sinqertë, gjithmonë i mprehtë në çështjet me rëndësi, por edhe i respektueshëm edhe ndaj atyre me të cilët nuk ishte dakord. Do të dëshiroja që kujtimi i tij të mbetet i gjallë, kujtimi i tij si një njeri që punoi për një të ardhme të qëndrueshme dhe për një Kosovë shumë etnike”, kishte deklaruar Kurti.
Ivanoviq më 2016-ën ishte dënuar nga Gjykata Themelore në Mitrovicë me 9 vjet burg Ivanoviqin për krime lufte ndaj popullsisë civile shqiptare. /Insajderi.org/
Oliver Ivanovic was active during both: ‘98-‘99 war & the Feb. 2000 expulsion of thousands of Albanians from the north. Belgrade feared him as a possible EULEX witness. Today, 6 yrs. after his assassination in North Mitrovica, his killers still roam free in Serbia.
— Albin Kurti (@albinkurti) January 16, 2024