Kandidati për kryeministër nga radhët e Lëvizjes Vetëvendosje, Albin Kurti së bashku me profesorin Rexhep Qosja kanë vizituar sot veprimtarin dhe ish liderin politik të UÇK-së Adem Demaçi.

Kurti është shprehur se “qartësia dhe thellësia e mendimit dhe dijes së tyre frymëzon si ngahera, pavarësisht kohërave tona e moshës së tyre”, ka shkruar Kurti në llogarinë e tij në Facebook.

Ndër tjerash ai ka thënë se Adem Demaçi i ka dhënë pamatshëm Kosovës dhe shqiptarëve.

“Baca Adem i dha pamatshëm shumë Kosovës dhe shqiptarëve. Dhe, sot, me entuziazëm të paepur porosit: Përpara!”, ka përfunduar shkrimin e tij Kurti.