Kreu i Qeverisë së Kosovës, Albin Kurti ka udhëtuar sot drejt Zvicrës. Ai atje ka takuar presidentin e Zvicrës, Alen Berset, ndërkohë që gjatë ditës së sotme ka vizituar edhe Muzeun e Albert Einstein.

Kështu i ka thënë Kurti “Albinfo.ch”, kur është pyetur për agjendën e tij, derisa ka treguar se pastaj do të takohet me kandidatët shqiptarë për zgjedhjet federale që mbahen më 22 tetor në Zvicër.

 “Tani do të kemi një vizitë në Muzeun e Einsteinit, këtu në Bernë ndërsa sonte në mbrëmje do të takoj kandidatët me rrënjë shqiptare për zgjedhjet federale që mbahen më 22 tetor. Ne inkurajojmë komunitetin e këtushëm shqiptar që të marrë pjesë në mënyrë masive në këto zgjedhje, pavarësisht nga partia që do të votojnë“, ka thënë Kurti