“Do të vinë ditë edhe më të mira, edhe më demokratike”. Kështu u shpreh Kryeministri i Kosovës, pas publikimit të Indeksit të Demokracisë Zgjedhore ku Kosova u ngrit mbi gjashtë vendet e Ballkanit Perëndimor për nga progresi.

“Edhe më shumë vlerësim për progresin tonë demokratik. Kosova është përmirësuar për tri vende dhe renditet e para në Ballkanin Perëndimor në Indeksin e Demokracisë Zgjedhore të Institutit V-dem për vitin 2023. Shumë punë është bërë për të arritur këtë rezultat dhe ka shumë për t’u bërë. Ditë edhe më të mira – më demokratike – do të vijnë”, ka shkruar Kurti në rrjetin e tij në Twitter.