Edhe shefja e deputetëve të VV-së, Mimoza Kusari-Lila, ka reaguar ndaj deklaratës së eurodeputetes, Viola von Cramon e cila në Zveçan iu ka thënë njësitëve policore “çfarë dreqin po bëni këtu”.

Për këtë Kusari-Lila në Twitter ka postuar disa fotografi të policëve holandezë, francezë dhe gjermanë duke e pyetur eurodeputeten se “çfarë dreqin bëjnë” ata.

Drejtuesja e grupit më të madh parlamentar në Kuvendin e Kosovës, tha se pajtohet me von Cramonin për procesin integrues të Kosovës, por jo edhe me deklaratat e saj.

”ViolavonCramon ne mund të biem dakord për temat që kanë të bëjnë me integrimin në BE, por deklarata juaj për policët tanë në veri është fyese dhe e papërshtatshme. A mund të shpjegoni se çfarë “dreqin” bëjnë policët. Jo standarde të dyfishta ju lutem”, ka shkruar Kusari-Lila në Twitter.