Juanma Lillo do të marrë drejtimin e Manchester Cityt, ndërsa Pep Guardiola do të mungojë. Trajneri spanjol, i cili “kishte dhimbje të forta shpine për një kohë të gjatë”, iu nënshtrua një “operacioni të vogël” , sipas një njoftimi për shtyp nga grupi i Premier League.

Tekniku katalanas Pep Guardiola do të shërohet në Barcelonë, qyteti ku u krye operacioni. Ai parashikohet se do të rikthehej në mesin e muajit të ardhshëm, pas pushimit të rezervuar për ndeshjet e kombëtareve (7-12 shtator).

Në mungesë të tij, zëvendësi i tij Juanma Lillo, i cili u rikthye këtë verë nga Al-Sadd, do të jetë në krye të ekipit të Cityt.

Pep Guardiola, i cili asnjëherë nuk është pezulluar që kur iu bashkua Cityt në vitin 2016, do të humbasë të paktën dy ndeshje në Premier League kundër Sheffield United (27 gusht) dhe Fulham (2 shtator). /Dosja/