Një rast tragjik ka ndodhur të enjten në qytetin e Gjilanit, ku një personi i është përkeqësuar gjendja shëndetësore dhe më pas ka ndërruar jetë në spital.

I ndjeri është 38-vjeçari, Flamur Rama.

Për vdekjen e tij kanë njoftuar edhe familjarët duke bërë të ditur se varrimi i të ndjerit bëhet në ora 15:00.

Sipas informacioneve, dje në mesditë, 38-vjeçari është gjetur pa ndjenja nga babai i tij dhe menjeherë është dërguar në emergjencë për të pranuar ndihmë mjekësore.

Pavarësisht ndërhyrjes së ekipeve mjekësore, ai nuk ka arritur të mbijejojë dhe ka humbur jetën.

Në vendin e ngjarjes kanë dalë ekipet nga Insituti i Mjekësisë Ligjore (IML), të cilët kanë tërhequr trupin e pa jetë të viktimës dhe e kanë dërguar për obduksion.

Rasti është konfirmuar edhe nga Policia e Kosovës.