Kapiteni i Kosovës u largua herët në ndeshjen e Ligës së Kampionëve kundër Bragës.

Në minutën e 13-të të ndeshjes Braga-Napoli, Rrahmani u largua nga fusha për shkak të një problemi fizik.

Stafi mjekësor blu u fut menjëherë në fushë, për shkak të një tendosje muskulore në kofshën e majtë. Në ditët në vijim priten kontrolle të reja instrumentale.

Rrahmani pritet të mungojë për rreth 2-3 javë, duke u rikthyer efektivisht në dispozicion të Rudi Garcia vetëm pas pushimit për kombëtaret në tetor.

Një pengesë e keqe për Napolin, që do të duhet të bëjë pa Rrahmanin kundër Bologna, Udinese, Lecce dhe Fiorentina në Serie A, por mbi të gjitha në ndeshjen e Champions League kundër Real Madridit, të planifikuar për më 3 tetor në “Diego Armando Maradona”.