Kapiteni i ri i Interit, Lautaro Martinez ka bërë më dije se ka mbetur i zhgënjyer me sjelljen e Romelu Lukaku. Sulmuesi argjentinas ka konfirmuar se sulmuesi belg nuk ia ka hapur telefonin.

“U zhgënjeva prej tij, mbeta keq, nuk e mohoj. Edhe unë u përpoqa ta telefonoja në ato ditë kaosi, por nuk m’u përgjigj kurrë. Kështu veproi edhe më shokët e tjerë.

Nuk iu përgjigj askujt… Pas gjithë këtyre viteve së bashku, unë u zhgënjeva prej tij. Por është zgjedhja e tij dhe i uroj fat”, theksoi kampioni i botës me Argjentinën”, ka thënë Martinez.