Ministri i Punëve të Jashtme të Rusisë, Sergey Lavrov, ka thënë të mërkurën se nuk ka pasur propozime serioze nga Perëndimi për ta zgjidhur konfliktin në Ukrainë.

“Nuk kishte propozime serioze nga askush në përgjithësi. Po mendoj nga Perëndimi”, ka thënë Lavrovi në një intervistë të publikuar në faqen e Ministrisë.

Sipas tij, sa më shumë që Ukraina dhe Perëndimi e vonojnë marrëveshjen e paqes “aq më i vështirë do të jetë negocimi”.

Vitin e kaluar, presidenti ukrainas, Volodymyr Zelensky ka prezantuar para liderëve të G20-ës një plan 10-pikësh për të përfunduar pushtimi ukrainas. Aty përfshihen edhe siguria atomike, siguria e ushqimit, një tribunal special për të gjykuar krimet ruse dhe një marrëveshje paqeje përfundimtare me Moskën.