×
  • Lajme
  • Lajme

    LDK kërkon seancë të jashtëzakonshme lidhur me tenderët njëburimor

    Insajderi
    11 March 2024 - 12:03
    Klikoni Këtu për t'u bërë pjesë e kanalit zyrtar të Gazetës Insajderi në Viber.

    Shefi i grupit parlamentar i LDK-së, Arben Gashi, ka njoftuar se me kërkesë të deputetes Hikmete Bajrami, e përkrahur nga 39 deputetë të tjerë, në mbledhjen e Kryesisë sot, u kërkua të mbahet një seancë e jashtëzakonshme për këtë javë.

    Gashi tha se seanca ka të bëjë në lidhje me tenderët një-burimor të cilët siç tha ai, i ka dhënë qeveria Kurti.

    “Sipas asaj që rezulton deri më tani është thyerje e çdo rekordi të mundshëm. Tenderët njëburimor nënkupton dhënien e kryerjes së punëve publike, apo tenderëve publikë duke mos bërë shpallje publike por duke ftuar individualisht tre kompani dhe duke vendos mbi bazën e preferencës së Institucionit tenderues. Është shkelje e jashtëzakonshme dhe një burim I madh I korrupsionit”, tha Gashi.

    Sipas tij, kjo çështje duhet të diskutohet në Kuvend. Ai poashtu bëri me dije se kanë propozuar edhe rezolutë lidhur me tenderët njëburimor.

    “Jemi duke parë mundësinë edhe të krijimit të një komisioni që do të merret me hetimin e kësaj çështjeje”, tha tutje Gashi.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark