×
  • Lajme
  • Lajme

    LDK i referohet Shpend Ahmetit si qen

    Insajderi
    20 May 2016 - 21:28
    Klikoni Këtu për t'u bërë pjesë e kanalit të Insajderit në Youtube.

    Një ditë pasi kryeministri Isa Mustafa përdori shprehjen popullore “Me kanë lehtë me majt shpi, Kola jem i kish’ majt’ dy”, për t’iu referuar sipas tij, paaftësisë së Shpend Ahmetit në menaxhimin e Komunës së Prishtinës, degët e partisë së kryeministrit, LDK, kanë vazhduar të përdorin thënie popullore kundër kryetarit të Prishtinës.

    Por, për dallim prej Mustafës, Degët e LDK-së në Prishtinë kanë përdorur një thënie në të cilën kryetarit të Prishtinës i referohen si qen.

    “Malësorja sot do të thoshte:  “Shpendi le të …. Karvani ec..!”, thuhet në komunikatën e degëve të Prishtinës.

    Në të vërtetë, version original i kësaj thënie është “Qentë le të lehin, Karvani ec”.

    ldk

    I pari i Prishtinës e kishte quajtur kryeministrin “rapsod të Facebookut”, duke reaguar ndaj thënies së kryeministrit.

    Tutje në komunikatën e degëve të LDK-së, Shpend Ahmeti cilësohet si kryetar i dështuar i Prishtinës, duke i thënë se iu ka bërë “pikë në zemër puna e malësores, fjalët e të cilës, e përshkruajnë në mënyrën më të mirë paaftësinë e tij për të qeverisur me Prishtinën”.

    “Ahmeti sot, pasi që i ka rregulluar krejt çështjet rajonale, evropiane e ndërkombëtare, i paska dal ren të merret edhe me Këshillin e Përgjithshëm të LDK-së”, thuhet në fund të komunikatës së degëve të LDK-së./Insadjeri.com

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark