Deputeti i Aleancës për Ardhmërinë e Kosovës, Pal Lekaj ka komentuar vendimin e marrë nga Qeveria e Kosovës për pagesën e polisës kufitare për diasporën.
Lekaj i ftuar në “InDoks”, ka thënë se ky vendim është i ngutshëm derisa shprehet se Kurti ka injoruar pensionistët e bujqit derisa ka favorizuar diasporën.
“Sa i përket vendimit të fundit të polisës për mërgimtarët mendoj që është një nguti dhe ende nuk kemi sqarim detal se si është marrë ky vendim. Dihet që vendimet që i ka marrë Qeveria Kurti, për pensionistët, për subvencionet e që kanë qenë prioritet i qytetarëve dhe kërkesave të tyre, paramendojeni nëse i ulë pagat apo subvencionet për pensionistët dhe subvencionet për bujqësi – mendoje që kjo nuk do koment – dhe tani shkon më larg nëse ai e parasheh që ky vit është vit i pandemisë dhe kemi vështirësi në vija buxhetore atëherë pse shkon kaq larg”, tha ai.
Sipas Lekajt, ky vendim lë hapësirë edhe për keqkuptime.
“Ai i injoron pensionistët dhe bujqitë ndërsa e bën pagesën dhe si mund ta bëjë këtë pagesë me ndonjë kompani të sigurimeve dhe këtu lë për të dëshiruar apo keqkuptuar një vendim i tillë dhe nuk mendoj që është i drejtë”, është shprehur Lekaj për Indoks.
Gjatë këtij emisioni, Pal Lekaj flet edhe për qasjen e Qeverisë Kurti karshi dialogut, përfaqësimin e MPJ-së në arenën ndërkombëtare, për emërimet e shkarkimit. Në fund, deputeti i AAK ka edhe një porosi për Kurtin dhe vartësit e tij.
Më poshtë gjeni emisionin e plotë “100 ditë i vetëm në Fron”