Martin Odegaard ka marrë vëmendjen me një “moment magjie” në një seancë stërvitore në Shtetet e Bashkuara të Amerikës, atje ku Arsenali po zhvillon një turne para-sezonal.

Në video shihet norvegjezi në një duel një kundër një, me njëri nga futbollistët e rinj të londinezëve, shkruan “Sportbible”.

Odegaard e kalon me lehtësi kundërshtarin e tij, me shumë mjeshtëri gjithashtu.

23-vjeçari rrotulloi topin me këmbën e tij të majtë, më pas ndaloi dhe e goditi me këmbën e djathtë.

Reagimet e tifozëve të Arsenalit kanë qenë të shumta gjithashtu në “Twitter”, ku shumë prej tyre u shprehen se “nuk mund ta kuptojmë se si ai e bëri këtë”. /Gazeta Express/