Libri poetik “Thasë” i Blerina Rogova-Gaxha u prezantua në Korçula të Kroacisë.
Ky prezantim u bë në kuadër të takimit ndërkombëtar “Petar Kanaveliç i Korçula”, që i kushtohet letërsisë dhe shkencës.
Libri me poezi “Thasë” i Blerina Rogova Gaxhës u botua nga shtëpia botuese “Armagedoni”, Prishtinë, 2020.
Poetja e njohur dhe kritikja letrare shqiptare, Entela Tabaku, në një interpretim për këtë vepër, shkruan se “përmbledhja me poezi thasë do të doja të mos kalonte pa u lexuar. Libri “Thasë” mbart një poezi të mirë, që ndodh e krijohet gjatë leximit, duke rezultuar në një përjetim estetik interesant.
Si ai hapi që shkrihet në ujë. Ndërsa e ke në dorë, rri aty e thatë dhe e rafshtë, por sapo e hedh në ujë, papritmas buf! flluska dhe shushuritje. Është një poezi që të flet në vesh me ton të ulët e me zë me ngjyrë të ndërruar prej moshës e ndoshta cigareve të shumta.”- ka shkruar kohë më parë poetja dhe kritikja Tabaku.