Llapi ka triumfuar 4-0 ndaj Drenicës në kuadër të javës së 28-të në Albi Mall Superligën e Kosovës.

Pas vetëm gjashtë minutash lojë, skuadra nga Podujeva kaloi në epërsi me golin e Gerhard Prognit.

Në minutën e 38-të, Festim Alidema lëshoi një rast ideal, duke humbur mundësinë për 2-0.

Por, Alidema e përmirësoi gabimin e tij sadopak, kur asistoi te Firmino (44′) për 2-0.

Pjesa e dytë ishte po aq e zjarrtë sa e para, gjersa vendasit shënuan edhe dy gola të tjerë.

Llapi nuk u ndal me kaq, pasi shënoi edhe të tretin me anë të Festim Alidemës në minutën e 81-të.

Katër minuta më vonë, për 4-0 u përkujdes Abion Kurtaj, për pambyllur ndeshjen me një paraqitje fantastike.

Pas javës së 28-të, Llapi gjendet në vendin e katërt me 39 pikë, ndërsa Drenica në të fundit me 23 sosh. /Telegrafi/