SHBA ka mbi dyfishuar tarifat, në mbi  200 miliardë dollarë të produkteve kineze, në një përshkallëzim të mprehtë të luftës tregtare të dëmshme të vendeve.

Tarifat për mallrat e prekura kineze janë rritur në 25% nga 10%, dhe Pekini është zotuar të hakmerret.

Kina tha se “keqëson thellësisht” marrëdhënien dhe do të duhet të marrë “masat e nevojshme kundërshtuese”.

Ky veprim vjen ndërkohë që  zyrtarë të nivelit të lartë nga të dyja palët po përpiqen të shpëtojnë një marrëveshje tregtare në Uashington.

Vetëm kohët e fundit, SHBA dhe Kina dukeshin të jenë afër përfundimit të muajve të armiqësive.

Ministria e Tregtisë e Kinës konfirmoi rritjen më të fundit të tarifave amerikane në faqen e saj të internetit.

“Shpresohet se SHBA dhe palët kineze do të punojnë së bashku … për të zgjidhur problemet ekzistuese nëpërmjet bashkëpunimit dhe konsultimit”, tha ajo në një deklaratë.

Tregjet e aksioneve kineze u ndryshuan pak pas kalimit të afatit, me indeksin e tregtisë Hang Seng 0.6% dhe Shanghai Composite 1.5% më të larta.

Tregu mori një goditje më parë këtë javë pasi Presidenti i SHBA, Donald Trump, ngriti tarifat të dielën.

Taksat prej 10% në vlerë prej 200 miliardë dollarë të produkteve kineze, përfshirë peshqit, çantat, veshjet dhe këpucët, do të rriteshin në fillim të vitit.

Kjo ishte vonuar pasi negociatat përparuan, por  Trump tani po thotë se bisedimet po përparojnë “shumë ngadalë”.