Kandidati për deputet nga radhët e PDK’së, Petrit Hajdari, ka reaguar pas ngjarjeve të fundit rreth dyshimeve për manipulime të votave në zgjedhjet e 14 shkurtit.

Hajdari përmes një postimi në Facebook tha se nuk ka ndonjë rrugë tjetër pos të rinumërohen votat.

“Skandalet e fundit në lidhje me manipulimin e vullnetit qytetar, të shprehur përmes votës, nuk lënë asnjë rrugë tjetër përveç rinumërimit total të votave të kandidatëve për deputetë.

Ajo çka është jashtëzakonisht e rëndësishme është që qytetarëve nuk guxon t’iu mbetet dyshimi se votat nuk u kanë shkuar në adresën e dhënë prej tyre. Kjo ka shumë më shumë rëndësi sesa kush, sa, e prej cilës parti bëhen deputetë’’, shkroi Hajdari.

Gazeta Insajderi, ka publikuar videon ekskluzive ku zbulon bashkëshortin e kryediplomates kosovare, Meliza Haradinaj-Stublla, duke korruptuar komisionerë për ta bërë gruan deputete.