Ministri i Mbrojtjes, Ejup Maqedonci, tha sot se nga më pak se 4 milionë euro sa ishte investuar në armatime gjatë qeverisjes së kaluar, në këtë periudhë 3 vjeçare është investuar mbi 290 milionë euro.

Ai ka thënë se brenda tre viteve është investuar më tepër investime se e gjithë periudha që nga koha e transformimit të TMK-së në FSK.

“Nga më pak se 4 milionë euro sa ishte investuar në armatime gjatë qeverisjes së kaluar, në këtë periudhë 3 vjeçare është investuar mbi 290 milionë euro, me ç’rast dhe kemi shënuar një ngritje rekord të kapaciteteve luftarake të ushtrisë sonë”, ka shkruar ai në Facebook.

“Brenda tre viteve kemi investuar më tepër investime se e gjithë periudha që nga koha e transformimit të TMK-së në FSK. Do të vazhdojmë me hapa të sigurt të konsolidojmë ushtrinë e Kosovës”, ka thënë ministri.