“Është e kaluara, Lukaku është e kaluara. Nuk ka asnjë komponent të klubit që ende mendon për të. Askush, dua të them askush”. Fjalë të qarta, që nuk lënë shumë hapësirë ​​për interpretim janë ato që tha Giuseppe Marotta, CEO i Interit, për “Gazzetta dello Sport”: “Pastaj, si futbollist, ka dinamika që duhet t’i marrësh parasysh, nuk është hera e parë që më ndodh…”

Më pas Marotta sulmoi edhe Skriniar: “Një shembull i ngjashëm? Ai i një lojtari që pretendonte se donte të rinovonte dhe më pas mendonte ndryshe… Po më pyesni nëse e kam fjalën për Skriniar? Ndjeva një ndjenjë të fortë zhgënjimi.

Sepse kur një lojtar nuk rinovon, nuk shkon kundër klasës drejtuese apo kundër presidentit, por në fakt bie në kundërshtim me historinë dhe vlerën e klubit. Ai i bëri një padrejtësi Interit. I kemi propozuar shumë zgjidhje, edhe atë të vendosjes së klauzolës së përfundimit të kontratës, që do të mbronte si atë, ashtu edhe nevojat e Interit. Por ai gjithmonë thoshte jo”.