Ambasadori i Kosovës në Kroaci, Martin Berishaj, sot është intervistuar nga Prokuroria Speciale. Kështu ka konfirmuar avokati i tij Tom Gashi, shkruan Insajderi.

Gashi ka shkruar se Berishaj ka dhënë “deklaratë sqaruese”.

“Për ti ndihmuar Prokurorisë Speciale të Kosovës sot zotni Martin Berisha ka dhënë deklaratë sqaruese me të cilën ne besojmë që i ka ndihmuar Prokurorisë për të eliminuar çdo dyshim për aferën e ndertuar nga gazetari serb i afërm me shërbimin sekret të Serbisë”, shkruan Gashi.

Kujtojmë se Gazeta Insajderi ka raportuar vazhdimisht për hetimet e akuzat ndaj Martin Berishajt.

Ambasadori i Kosovës, Martin Berishaj, dyshohet nga Prokuroria Speciale për shpërlarje parash.

Për këtë ai ishte intervistuar edhe muaj më parë nga Prokuroria Speciale e Kosovës.

Vitin e kaluar, mediat sllovene shkruajtën për një skandal të madh financiar, ku ishte i përfshirë Robert Golob, kryetar i Partisë së Lirisë. Në këtë aferë, ku dyshohej për shpëlarje parash, dukej që ishte përfshirë edhe ambasadori Berishaj.

Madje ndaj Berishajt në shkurt të këtij viti Prokuroria Themelore në Prishtinë kishte njoftuar se kishte filluar hetimet pas raportimeve se ambasadori i Kosovës në Kroaci, Martin Berishaj, i ka marrë zarfet me fletëvotime nga kutia postare në Zagreb dhe i ka dërguar në ambasadën atje.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!