×
  • Lajme
  • Insajderi

    Këto janë masat e reja anti-Covid që pritet të miratohen nga Qeveria e Kosovës

    Insajderi
    22 October 2021 - 15:38

    Ditëve në vazhdim pritet të bëhet miratimi i masave të reja antiCovid-19. Ndryshimet nuk pritet të jenë të mëdha nga ato paraprake që u vendosën me 27 shtator. Maska do të vazhdojë të mbesë, ora policore do të ndryshohet si dhe orari i gastronomisë, shkruan Insajderi.

    Kështu bëri të ditur për Insajderin drejtori i Asociacionit të Komunave të Kosovës Sazan Ibrahimi, i cili njoftoi se në këtë takim kanë marrë pjesë vetëm dy kryetarë komunash, pasi MSH-ja nuk ka njoftuar me kohë për takimin e sotëm

    Ibrahimi tha se komunat kanë propozuar që të hiqet ora policore dhe maska kur një person është i vetëm në ambient të jashtëm, por kjo nuk është miratuar nga MSh-ja.

    Ibrahimi bëri të ditur se do të ketë ndryshime sa i përket lirisë së lëvizjes dhe orarit të gastronomisë.

    “Takimi ishte informues, jo koordinues. Kanë marrë pjesë vetëm kryetari i Mamushës dhe Suharekës. Ora policore do të jetë nga ora 00:00-05:00, ndërkaq orari i gastronomisë do të zgjatet deri në orën 23:00”, ka deklaruar Ibrahimi për Insajderin.

    Ai tha se në takimin e sotëm AKK-ja ka paraqitur edhe listën e shteteve në të cilat nuk ka orë policore dhe maskat nuk janë të obligueshme në ambiente të jashtme, por që nuk është marrë parasysh nga Gexha-Bunjaku.

    Theksojmë se, ushtruesja e detyrës së ministrit të Shëndetësisë, Dafina Gexha-Bunjaku, sot ka takuar përfaqësues të Asociacionit të Komunave të Kosovës, me të cilët ka diskutuar masat anti-Covid.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark