Qeveria e Kosovës ka miratuar dje Projektligjit për Liritë Fetare, ku është përkufizuar edhe formimi i bashkësive të reja fetare, shkruan Gazeta Insajderi.

Neni 7 i këtij projektligjit, thotë se një bashkësi e re mund të formohet me të paktën 100 anëtar, të cilët duhet të jenë shtetas të moshës madhore.

Sipas këtij projektligjit, kjo bashkësi duhet të ketë qëllimi, parime dhe pasurinë që e posedon, shkruan Insajderi.

Më poshtë gjeni Nenin 7 të Projektligjit për Liritë Fetare

1. Bashkësitë fetare nuk janë të detyruara të regjistrohen dhe të pranojnë statusin e  personi juridik kundër vullnetit të tyre.

2. Në Republikën e Kosovës mund të regjistrohen edhe bashkësi të reja fetare, nëse i plotësojnë kushtet e mëposhtme:

2.1. Të paraqesë në Zyrë kërkesën për regjistrim nga një përfaqësues i autorizuar;

2.2.  Me rastin e themelimit të kenë të paktën njëqindë (100) anëtarë, shtetas të moshës madhore të Republikës së Kosovës;

2.3.  Të paraqesë një përfaqësues të autorizuar  për qëllim të kontakteve të tij me autoritetet publike;

2.4. Të paraqesë qëllimin dhe aktivitetet e bashkësisë fetare;

2.5. Të paraqesë parimet bazë të besimit të bashkësisë fetare;

 2.6. Të paraqesë pasurinë që e posedon dhe qëllimin e përdorimit të saj.