Një sulm me raketa i Rusisë në qytetin ukrainas të Sumy, i cili vrau 34 civilë – përfshirë dy fëmijë – dhe plagosi 117 të tjerë, është dënuar ashpër nga aleatët perëndimorë të Kievit.

Dy raketa balistike goditën qendrën e qytetit mesditën e së dielës, duke shpërthyer pranë universitetit shtetëror dhe qendrës së kongresit, duke lënë trupa të gjakosur nëpër rrugë, raporton BBC.

Presidenti i SHBA Donald Trump e përshkroi sulmin si një “gjë të tmerrshme“, ndërsa kancelari në pritje i Gjermanisë, Friedrich Merz, akuzoi Rusinë për kryerjen e krimit të luftës, përcjell Insajderi.

Sulmi vjen teksa SHBA, aleati më i fortë ushtarak i Ukrainës, ka vendosur për përfundimin e luftës – tani në vitin e saj të katërt – përmes negociatave me Trump.

I pyetur për sulmin, presidenti amerikan tha se ishte “i tmerrshëm” dhe se atij “i ishte thënë se ata bënë një gabim“, por nuk dha detaje.

Merz, i cili pritet të marrë detyrën si kancelar i ri i Gjermanisë muajin e ardhshëm, i tha transmetuesit publik gjerman ARD se sulmi në Sumy përbënte “krim të rëndë lufte“.

“Ishte një akt perfid.. dhe është një krim i rëndë lufte, i qëllimshëm“, tha politikani konservator. /Insajderi.org/