Sipas mediave serbe raportohet se është gjetur i vrarë edhe një serb nga Leposaviqi.
Siç raportohet në mediat serbe i vrari është Igor Milenkoviq, shofer i ambulancës nga Leposaviqi.
Gjithashtu njëri nga personat e vrarë nga grupi që po akuzohet për vepra terroriste në Banjskë të Zveçanit është Stefan Nedelkoviq, 31-vjeçar.
Kështu kanë raportuar mediat serbe. Sipas këtyre informacioneve, Nedelkoviq është banor lokal nga Zveçani, teksa kanë publikuar edhe fotografi të tij, përcjell Gazeta Insajderi.
Bëhet publik emri i njërit nga sulmuesit të vrarë në Banjskë
Gjatë ditës së sotme edhe një nga pjesëtarët e grupit të armatosur serb në Banjskë që po akuzohen për sulm terrorist është gjetur i vrarë.
Kështu ka konfirmuar për media prokurori i rastit, Naim Abazi. Sipas tij, trupi i pa jetë është gjetur përgjatë kontrollit të pjesës ku ka ndodhur rasti.
Numri i sulmuesve të vrarë, me këtë të fundit, ka shkuar në katër.