Tani është pothuajse e sigurt se telefonat do të vijnë në ngjyrë vjollcë, së bashku me variantet e zakonshme të zezë dhe të bardhë. Ata gjithashtu do të kenë tipare fotografike të modelit Pixel 3, siç është Night Sight.

Pajisjet kanë 4GB RAM dhe 64GB hapësirë bazë të magazinimit, si dhe kamerë kryesore 12MP dhe 8MP për selfi.

Edhe pse fotot promovuese nuk konfirmojnë nëse do të përdorin procesor Snapdragon 670 ose 710, telefonat e ri të Google do të kenë bateri 3000mAh dhe 3700mAh, e cila duhet të mundësojë përdorimin e rehatshëm të tyre gjatë gjithë ditës.

Informacioni më i hershëm sugjeroi një ekran 5.6 inç me rezolucion 2160 x 1080p për Pixel 3a, si dhe një ekran 6 inç 2220 x 1080p për Pixel 3a XL.

Faqja Tech Today sugjeron se çmimi fillestar për modelin 3a do të jetë 399 dollarë, ndërsa modeli XL 3a do të kushtojë 479 dollarë.