“Mezi pres ta vesh këtë fanellë”, ky ishte komenti, ndërkohë që Armando Broja shfaqej me fanellën e Chelsea.

Mjaftoi kaq që të bëhej lajm, por sulmuesi ka sqaruar menjëherë.

Broja ka bërë një postim në Instagram dhe thekson se ai nuk ka asnjë adresë në “Facebook” dhe se postimi me fanellën e londinezëve nuk ka lidhje me të.

“Thjesht për ta ditur të gjithë. Unë nuk kam një llogari në Facebook ose TikTok. Çdo përmbajtje e postuar aty nuk është postuar prej meje”, shkruan Broja, i cili është i huazuar te Southampton deri në fund të sezonit.