Në raportin e fundit mbi shpenzimet për 6 muaj të kryetarit të Gjilanit, Alban Hyseni, vihet re se i njëjti ka shpenzuar 219,107.05 euro.

Bazuar në dokumentin e shpenzimeve, i pari i Gjilanit harxhoi 1 mijë e 107 euro e 28 centë për shpenzimet e udhëtimit brenda vendit, derisa për udhëtimet jashtë vendit harxhoi 794 euro e 7 centë.

Vetëm për telefon, Hyseni ka harxhuar 408 euro e 89 centë. Kurse, 7000 euro të tjera ka shpenzuar për Shërbimet e arsimit  dhe  trajnimit

Shumë jo të vogël parash, Hyseni ka shpenzuar edhe për furnizim  me  ushqim  dhe  pije – që kap vlerën e 1 mijë e 247 euro e 88 centë. Në anën tjetër, për karburant për vetura, Hyseni ka shpenzuar 2 mijë e 016 euro e 54.

Ndërsa, e fundit, jo për nga shtrenjtësia, është shuma e parave që Kryetari i Gjilanit harxhoi për dreka zyrtare – kap shifrën e 5 mijë e 174 euro e 19 centë, shkruan Insajderi.

Derisa, në raportin gjashtëmujor të punës, Hyseni ka rënditur punët që janë kryer në Gjilan, duke nënvizuar se se Komunën e gjetën pa karburante, duke shtuar se e zgjodhën këtë çështje.

Më poshtë mund t’i gjeni disa nga punët që kreu Komuna e Gjilanit në krye me Alban Hysenin 6 mujorin e fundit.

• Paguanim një kontratë në vlerë mujore rreth 5000€ për qira të një objekti që nuk e shfrytëzonim. Veprimet që kemi ndërmarrëpërkitazi me këtë është se kemi dërguar njoftimin tek pronari për shkëputje të kontratës.
• Përgatitëm Qendrën Covid dhe riorganizuam stafin për t’u
• përballur me valën e re të pandemisë – përmes donacionit, siguruam shtretërit dhe pajisjet e nevojshme për Qendrën Covid.
• Angazhimi për arsimin parafillor me shume çerdhe dhe me më shumë përfshirje ishte zotim i yni, për të cilin po punojmë dhe po e përmbushim.
• Në Ditën e Tokës më 22 Prill, lansuam kampanjën “Green & Clean”, me aktivitete të përditshme të pastrimit të hapësirave publike, shtretërve të lumenjve, largimit të deponive ilegale të mbeturinave dhe mbjellje të drunjve.
• Kemi filluar me procesin e digjitalizimit të Arkivit – Me mbështetjen e donatorëve dhe me zero kosto për Komunën, ka filluar procesi i digjitalizimit të Arkivit, i cili mundëson qasje më të shpejtë, evitim të radhëve të gjata në Administratë, si dhe transparencë gjatë kryerjes së shërbimeve komunale.
• Kemi ndarë 10,000€ për më shumë libra në bibliotekë dhe më shumë mundësi për lexuesit – Fondit të bibliotekës së Qytetit “Fan S. Noli”, këtë vit do t’i shtohen tituj të ri. Planifikimin e kemi bërë 3 duke u bazuar në kërkesat e lexueseve. Gjithashtu, përmes donacioneve, kemi pasuruar bibliotekën me libra.
• Janë ndihmuar familjet që strehojnë bonjakë – Ato familje që mbajnë dhe përkujdesen për fëmijë pa prindër, në misionin e tyre human, kanë marrë edhe mbështetjen financiare, institucionale, etj.

Alban Hyseni mori votat e mjaftueshme për t’i siguruar atij ulësen në komunë në nëntor të vitit që lam pas./Insajderi.org

Vanesa Zhugolli