Valdrin Sahiti çdo ditë e më shumë po merr famë më të madhe.
Falë angazhimit dhe punës së tij të palodhshme dizajneri kosovar ka bërë emër jo vetëm në Kosovë por kudo në botë.
Pas Beyonces e cila u vesh në një fustan të kuq nga Valdrini, tani i erdhi radha e Kylie Jenner që t’iu besojë duarve të dizajnerit kosovar.
Theksojmë se Valdrini e mbajti të fshehtë punën e tij ndaj Kyliet për më shumë se një vit.
Miliarderja 24-vjeçare lansoi së fundmi linjën e saj të produkteve për fëmijë, KylieBaby. Në videon
promovuese, Kylie shfaqet me të bijën Stormin, dhe një prej veshjeve në klip, është krijim i stilistit shqiptar.
“Muza @kyliejenner. Zyrtarisht VSLOVER”, ka shkruar Valdrini. Bashkëpunimi me Kylie Jenner shënon një tjetër sukses në karrierën e Sahitit.
Kujtojmë se kjo nuk është hera e parë që stilisti ka punuar me emra të njohur. Bebe Rexha, Yung Miami, Kelly Roëland dhe Winnie Harlow janë ndër yjet që janë mahnitur nga krijimet e stilistit nga Kosova.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2024 Gazeta Online Insajderi - Të gjitha të drejtat e rezervuara.
