Ndonëse Ligji për Vetëqeverisjen Lokale e thotë qartë se në të gjitha organet e kuvendeve të komunave duhet të ketë 50 për qind përfaqësim të femrave, sipas Ligjit për Barazi Gjinore, Komuna e Vushtrrisë, e Prishtinës, e Dragashit, e Malishevës dhe e Deçanit e kanë shkelur ligjin.

Në këto komuna në vend se të jetë 50 për qind, femrat në organet e legjislativit lokal përfaqësohen me vetëm 30 për qind.

Këto komuna madje nuk kanë përfillur as urdhëresën e Ministrisë së Administrimit të Pushtetit Lokal të Republikës së Kosovës, e cila ka urdhëruar komunat që t’i ndryshojnë përbërjet e Komitetit Politik e Financa, në mënyrë që femra të përfaqësohet me 50 për qind, shkruan gazeta Zeri.