Në këto kohë të vështira me të cilat po përballet e gjithë bota nga pandemia Covid-19 fatkeqësisht është duke kaluar edhe Kosova.
Jemi duke kaluar një kohë, ku qëndrimi në shtëpi dhe distanca fizike është kontributi më i madh për të tejkaluar këtë situate sa më parë. Fëmijët e kanë të vështirë të kuptojnë se përse nuk mund ti takojnë shokët dhe shoqet e tyre për të lozur së bashku por duhet të qëndrojnë brenda në shtëpi.

Përkushtimi i prindërve për t’i mbajtur fëmijët e angazhuar dhe për t’i informuar rreth kësaj situate është shumë i rëndësishëm. Po ashtu fëmijëve për ti treguar për punën e palodhshme që bëjnë heronjtë e vijës së parë si personeli mjekësor, policët, ushtarët e FSK-së, ekipet emergjente dhe të gjithë të tjerët që po japin kontribut për të tejkaluar këtë gjendje.

Andaj ftojmë prindërit që t’i u ndihmojnë fëmijëve për të shprehur mirënjohje për heronjtë e vijës së parë duke bërë ndonjë vizatim, thënje inkurajuese apo mesazh falenderimi për ta.

Të gjitha këto punime do të shtypen dhe do të dërgohen tek heronjtë e vijës së parë që sado pak të ndiejnë që dashuria, energjia pozitive, mirësia dhe sakrifica e tyre është duke u vlerësuar dhe admiruar nga të gjithë ne.

Për çdo punim, mesazh që do të bëjnë fëmijët ne do të dhurojmë nga një dhuratë simbolike për ta.

https://www.facebook.com/IPPetrol/photos/a.359935450883382/1321739071369677/?type=3&theater%20

Të gjithë mund të kontribuojmë.
#rriNshpi