Edhe pak ditë kanë mbetur për të aplikuar në thirrjen për projekt propozime në Art dhe Kulturë, të shpallur nga Ministria e Kulturës, Rinisë dhe Sportit.
Kjo është shpallje e dytë për art dhe kulturë brenda vitit kalendarik.
Me qëllim të fuqizimit të skenës së pavarur kulturore, rritjes së cilësisë së krijimtarisë artistike, identifikimin dhe mbështetjen e talenteve të reja, aktivizimin e tyre në vendimmarrje dhe aktivitete të fushës së artit dhe kulturës, rrjetëzimin dhe promovimin e produktit vendor kulturor si produkt konkurrues në tregun ndërkombëtar të industrisë kreative, MKRS ka hapur thirrjen për mbështetje financiare të projekteve të OJQ-ve dhe individëve.
Afati i fundit për aplikim: 9 tetor 2023.
Shuma maksimale e mbështetjes për përfituesit: 25,000.00 euro (njëzetë e pesë mijë euro).
Aplikimi bëhet përmes formës online në uebfaqen e MKRS-së. Detajet e hollësishme mund t’i lexoni në në të njëjtën uebfaqe.