Mallorca e Vedat Muriqi kanë shënuar fitore të madhe të dielën. Në kuadër të xhiros së 20-të të La Ligas, Mallorca e mposhti Real Madridin me rezultatin 1:0. Goli vendimtar u shënua në minutën e 13-të.

Pas një krosimi, Vedat Muriqi u shkëput lartë në zonë. Kërceu, ndërsa në duel ishte me Nachon. Topi përfundoi në rrjetë dhe Muriqi nisi festën. Fillimisht goli iu numëra atij, por pas rishikimeve të shumta u pa që ishte autugol i Nachos. Muriqi nuk kishte prekur topin me kokë.

Topi ishte devijuar nga Nacho dhe kishte përfunduar në rrjetë. Muriqi kompletoi ndeshjen dhe ishte prej më të mirëve te Mallorca. Ka kontribuuar në të gjitha pjesët e fushës.

Kamerat kapën edhe një moment interesant pas përfundimit të ndeshjes, ku shihet Muriqi duke mbrojtur bashkëlojtarin e tij, dhe me pak forcë të përdorur e shytn Carvajalin si një fëmijë të vogël

Mallorca është e dhjeta me 28 pikë. Ndërkohë Real Madridi ka bërë hap tjetër të gabuar në garën për titull.

Mbetet në pozitën e dytë me 45 pikë. Marco Asensio ka humbur penallti për Real Madridin në minutën e 59-të. Goditjen e tij nga pika e bardhë e ndali portieri i Mallorcas.