Presidenti i zgjedhur amerikan, Donald Trump, do të inaugurohet të premten si presidenti i 45-të i Shteteve të Bashkuara të Amerikës.

Ceremonia e inaugurimit pritet të ndiqet nga miliona njerëz, dhe për këtë arsye organizatorët kanë filluar punën tash e disa ditë në mënyrë që kjo ditë të kalojë pa ndonjë problem.

Në fotografitë e mëposhtme janë momente nga inaugurimet e presidentëve që nga viti i largët 1857.

E para fotografi e njohur e një ceremonie inaugurimi, ai i James Buchananit në vitin 1857.

Inaugurimi i Abraham Lincolnit në vitin 1861 ndodhi përpara Capitolit, që ishte ndërtuar vetëm pjesërisht.

Një turmë sheh teksa pjesëtare të Partisë Kombëtare të Grave protestojnë në Shtëpinë e Bardhë gjatë inaugurimit të dytë të Woodroë Wilsonit, në vitin 1917. Gratë kishin ardhur nga i gjithë vendi për të marshuar ditën para inaugurimit, për të kërkuar të drejtën e tyre për të votuar.

Dwight D Eisenhower “kapet” me litar nga një kauboj në Monte Montana, gjatë paradës së inaugurimit në vitin 1953.

John F. dhe Jackie Kennedy ndajnë një moment privat në Capitol, disa momente pasi ai u bë presidenti më i ri i zgjedhur i Shteteve të Bashkuara.

Momenti i jashtëzakonshëm kur Lyndon B. Johnson u inaugurua si president në 22 nëntor 1963. Ndodhi në bordin e Air Force One, në Teksas, pas vrasjes së John F. Kennedy. Jackie Kennedy ishte në krah të tij.

Policia dhe protestuesit kundër luftës qëndrojnë ballë për ballë gjatë ceremonisë së inaugurimit të Richard Nixonit, në vitin 1969.

Një balonë me formë kikiriku fluturon gjatë inaugurimit të Jimmy Carterit në 1977.

Ronald dhe Zonja e Parë, Nancy Reagan, përshëndesin turmën nga limuzina e tyre gjatë paradës së inaugurimit, në vitin 1981.

Bill dhe Hillary Clinton gjatë ballos presidenciale në vitin 1993.

George W. dhe Zonja e parë, Laura Bush vallëzojnë mbi logon presidenciale gjatë ballos së inaugurimit të komandantit të përgjithshëm në vitin 2005.

Barack Obama bën betimin në vitin 2009, duke u bërë i pari president afro-amerikan i SHBA.