×
  • Lajme
  • Botë
  • Lajme / Botë

    Momenti kur gjyshi dhe mbesa ribashkohen, tri javë pas tërmetit në Turqi

    Insajderi
    04 March 2023 - 12:31

    Një gjysh në Turqi, është ribashkuar me mbesën e tij pesëmuajshe, tri javë pasi u shpëtuan nga rrënojat në Hatay të Turqisë.

    Mbesa me emrin Zehra, është e mbijetuara e vetme nga familja e gjyshit Mithat Kilisli.

    Nëna, babai, vëllai dhe gjyshja e Zehras, vdiqën nën rrënoja.

    Gjyshi dhe mbesa u nxorën bashkë nga rrënojat, dy ditë e gjysmë pas tërmetit, por u ndanë pasi u shpëtuan, me mbesën që u dërgua shumë larg nga vendlindja e saj, për të marrë trajtim të mëtejmë.

    Gjyshit iu desh të udhëtojë më qindra kilometra dhe ta bëj një test të ADN-së, për ta marrë mbesën nga një strehimore për fëmijë.

    Ai nuk mund t’i ndalte lotët teksa ritakoi mbesën e tij.

    “Plaga ime është e thellë, por për momentin ndihem sikur e kam harruar dhimbjen. Jam njeriu më i lumtur në botë. Ajo është gjithçka që më ka mbetur nga prindërit e saj”, tha gjyshi.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark