Bashkëshortja e futbollistit, Cristiano Ronaldo, në një paraqitje televizive ka folur për vdekjen e djalit të saj.

Ajo në prill të vitit të kaluar kishte sjell në jetë binjakët e saj, ku njëri prej tyre në muajin e ardhshëm mbushë një vit, ndërsa tjetri kishte vdekur pas lindjes.

“Këtë vit kam pasur momentin më të mirë dhe më të keq të jetës tim. Jeta është e vështirë, por vazhdon. Unë kam arsye për të ecur përpara dhe të jem e fort”, ka thënë ajo.

 “Prioriteti im tani janë familja dhe fëmijët e mi. Jam shumë e lumtur dhe mirënjohëse”, ka shtuar ajo.

Sezoni i dytë i dokumentarit të shfaqur në platformën Netflix, “I Am Georgina”, që tregon jetën e Georgina-s si nënë, biznesmene dhe partnere e yllit më të famshëm të futbollit në botë, do të shfaqet premierë në Netflix më 24 mars./Insajderi