Kryetari i LDK-së, Isa Mustafa, i cili është edhe kryeministër në largim, ka thënë se gjatë zgjedhjeve të parakohshme që u mbajtën dje, ka mbizotëruar zëri i kundërshtimit.
“Ju e dhatë vendimin tuaj në këto zgjedhje. Mbi të gjitha mbizotëroi zëri i kundërshtimit”, ka shkruar kryetari i LDK-së, Isa Mustafa.
Ai ka thënë se do t’i analizojnë rezultatet dhe do të vendosin duke pasur parasysh interesin qytetar.
“LDK në ditët në vijim do të analizojë dhe vlerësojë rezultatet e zgjedhjeve dhe do të reflektojmë në interes të anëtarësisë dhe të qytetarëve”, ka shtuar ai.
“Vendimin do ta marrim edhe me deputetët pas certifikimit të rezultateve si dhe me partnerët e koalicionit”, thuhet më tej aty.
Mustafa ka falënderuar të gjithë ata që i dhanë mbështetjen kandidatit për kryeministër të koalicionit LDK-AKR-Alternativa, Avdullah Hoti, duke thënë se ai ka bërë një fushatë dinjitoze në të gjitha fushat./Insajderi.com