Vizitorë të shumtë, shqiptarë dhe të huaj, kanë zgjedhur të vizitojnë Muzeun Historik dhe Etnografik të Krujës, duke rritur numrin e tyre me rreth 38 për qind në krahasim me një vit më parë.

Në periudhën janar-maj ky muze është vizituar nga 86 mijë vizitorë, ndërsa një vit më parë numri i vizitorëve ishte 62 mijë e 372, sipas të dhënave të publikuara sot nga ministresha e Kulturës në Qeverinë e Shqipërisë, znj. Elva Margariti.

Fluks vizitorësh ka pasur edhe në muze dhe site të tjera arkeologjike në Shqipëri.

“Çdo ditë e më shumë trashëgimia jonë kulturore po tërheq vëmendjen e më shumë vizitorëve vendës e të huaj. Nga analiza statistikore e muajve janar-maj, rezulton se vizitueshmëria në muzetë tanë është rritur ndjeshëm nga viti në vit!”, ka shkruar znj. Elva Margariti./ Zëri.info/