Gushti është muaji më përvëlues i vitit, e ashtu ka qenë edhe në këtë vit. Por, kështu nuk mendon kryetari i Komunës, Mytaher Haskuka.

Kur të gjithë shkonin në bregdet, Komuna e Prizrenit kishte vendos që të lëshojë ngrohjen brenda komunës.

Fiks 31,990.24 euro është shuma që kjo komunë ka shpenzuar nga 01 -31 gusht 2021.

Në raportin mujor për shpenzimet e muajit gusht që e ka parë lajmi.net, kjo shumë figuron që është shpenzuar në emër të naftës për ngrohje për objektin komunal.

Shuma është paguar nga kategoria e mallrave dhe shërbimeve dhe është më e larta nga të gjitha kategoritë.