Naim Tërnava është zgjedhur edhe njëherë kryetar i Bashkësisë Islame të Kosovës. Ky vendim u mor në mbledhjen që u mbajt sot.

Pak para zgjedhjes së tij Kuvendi i BIK-ut në 10:00 ka mbajtur mbledhjen e saj konstituive, me ç’rast është konstituar Kuvendi i ri në përbërje prej 31 anëtarëve të ri.

Ndërsa në mbledhjen në orën 12:00, Tërnava mori edhe një mandat.

Kjo është hera e pestë që Tërrnava rimerrë drejtimin e BIK-ut. 

Një dekadë më parë, në vitin 2013, Bashkësia Islame e Kosovës kishte ndryshuar rrënjësisht aktin normativ me të cilin funksionon, që e quajnë Kushtetuta e BIK. Atë kohë, ndryshimi më i dukshëm, dhe i debatueshëm për afro dy vite, kishte qenë mandati i Kreut kryesor të BIK-ut, Myftiut.

Deri në ato ndryshime, një person mund të ishte Myfti veç për dy mandate, por atë vit u bë i pakufizueshëm, çka i ka lejuar Myftiut aktual, Naim Tërnavës, pastaj të zgjidhej në këtë post edhe disa herë radhazi.

Si kandidat i vetëm në këtë garë, Naim Tërrnava do të jetë në krye të BIK-ut deri në vitin 2028./Insajderi.org/