Poetja e njohur kosovare, Naime Beqiraj, është shpërblyer me çmimin letrar “Aleksandri i Madh”.

Ky shpërblim jepet në Salamina të Greqisë dhe është organizuar nga krijuesi dhe mendimtari i njohur, Dinos S. Koubatis.

Për këtë lajm të mirë letrar, ka njoftuar vetë poetja Beqiraj në rrjetin social facebook.

Njoftimi i plotë i poetes Naime Beqiraj:

Çmimi letrar dhe medalja ‘Aleksandri i madh’ që mu nda sonte solemnisht në një ambient mbreslënës në ishullin Salamina të Greqisë organizuar nga poeti dhe mendimtari Dinis S. Koubatis, në mesin e një numri krijuesve nga mbarë bota, ma risolli në kujtesë Euripidin, birin e këtij ishulli, poetin e dramarurgjisê klasike greke të cilin vazhdoj tua sugjeroj për lexim studentëve e nxënësve të mi.
Çmimet letrare mund të ta përkëdhelin sedrën, mund të të gëzojnê për ndonjë çast, dikush nga padija do ta quaj edhe sukses, por bota e poezisê vazhdon të të shenjtërojë mes dhimbjeve e të papriturave
Këtë çmim ua dedikoj profesorëve të mi të letërsisë e veçanërisht mësuesve të poezisë.
Aleksandri (Leka i madh) i Olimpisë princeshës së epirotëve, vazhdon të mbretërojë i fuqishëm; ai që e pushtoi botën e asokohshme i antikitetit. Po, sepse ishte nxënës i bindur të mësuesit të poezisit – Aristotelit të pakrahasueshëm