Ndryshimeve klimatike, kanë bërë që më shumë se gjysma e liqeneve të mëdhenj në botë të thahen. Në një studim të fundit thuhet se 56% e rënies së liqeneve natyrore është shkaktuar nga ngrohja e klimës dhe konsumi njerëzor.

Më shumë se gjysma e liqeneve dhe rezervuarëve të mëdhenj në botë janë zvogëluar që nga fillimi i viteve 1990, kryesisht për shkak të ndryshimeve klimatike.

 Liqenet kane humbur sasi të konsiderueshme uji që përdorej në bujqësi, hidrocentrale dhe konsum njerëzor, kështu zbuloi një studim i publikuar të enjten.

Një ekip ndërkombëtar studiuesish raportoi se disa nga burimet më të rëndësishme të ujit në botë, nga Deti Kaspik midis Evropës dhe Azisë deri në liqenin Titicaca të Amerikës së Jugut – humbën ujë me një normë kumulative prej rreth 22 gigatonësh në vit për gati tre dekada.

Ky është rreth 17 herë vëllimi i Liqenit Mead, rezervuari më i madh në Shtetet e Bashkuara.

Një hidrolog sipërfaqësor në Universitetin e Virxhinias, tha se 56% e rënies së liqeneve natyrore ishte shkaktuar nga ngrohja e klimës dhe konsumi njerëzor, me ngrohjen.

Shkencëtarët vlerësuan pothuajse 2000 liqene të mëdhenj duke përdorur matje satelitore të kombinuara me modelet klimatike dhe hidrologjike.

Ata zbuluan se përdorimi i paqëndrueshëm i njeriut, ndryshimet në reshjet dhe rrjedhjet, sedimentimi dhe rritja e temperaturave kanë ulur nivelet e liqeneve në nivel global, me 56% të liqeneve që tregojnë një rënie nga viti 1992 në 2020.

Gati 2 miliardë njerëz që jetojnë në pellgjet e liqeneve në tharje janë prekur drejtpërdrejt dhe shumë rajone janë përballur me mungesë uji vitet e fundit.

Shkencëtarët dhe aktivistët kanë thënë prej kohësh se është e nevojshme të parandalohet ngrohja globale përtej 1.5 gradë Celsius për të shmangur pasojat më katastrofike të ndryshimit të klimës. Bota tashmë është ngrohur rreth 1.1 C.

Studimi i së enjtes zbuloi se përdorimi i paqëndrueshëm njerëzor thau liqene si Deti Aral në Azinë Qendrore dhe Deti i Vdekur në Lindjen e Mesme, ndërsa liqenet në Afganistan, Egjipt dhe Mongoli u goditën nga temperaturat në rritje, të cilat mund të rrisin humbjen e ujit në atmosferë.