Një grabitje e armatosur ka ndodhur pasditen e sotme në Prishtinë. Cak i hajnave ka qenë një pikë filiali i institucionit financiar “MoneyGram” që ndodhet në rrugën Agim Ramadani.

Insajderi sjell pamje nga vendi i ngjarës.

Flora Ahmeti, zëdhënëse në policinë rajonale të Prishtinës tha për Insajderin se nën kërcënimin e armës është grabitur një shumë parash.

“Sot rreth orës 17:00 është raportuar për një grabitje të ndodhur në një lokal në rrugën Agim Ramadani në  Prishtinë. Pas marrjes së informacionit policia ka dalë në vendngjarje dhe bazuar në informacionet e para, dyshohet se nën kërcënim të armës është grabitur një shumë parash”, tha Ahmeti./Insajderi.org/